Ginkumpirma ni Punong Barangay Wendel Tayco it Mobo, Kalibo nga sambilog sa anang residensya hay natanyagan it kwarta it sangka dumueoong.
Suno kana, nagreport ro dalagita nga ginpakitaan imaw it sang libo it foreigner ag gin-engganyo nga magsunod kana.
Apang, gilayon man nga nagpamalibad ro pamatan-on.
Sa andang pag-usisa, ro dumueoong hay may daea nga tent ag may service nga motorsiklo kon sa siin ginlatag nana raya maeapit sa revetment wall kon sa siin idto imaw nagpataliwan it sang gabie.
Kat nagkalhit ro istorya angot sa dumueoong hay ginbalikan nanda ro lugar kon sa siin raya naglatag sa anang tent apang uwa eon sigon imaw idto.
Ulihi nga nakit-an ro foreigner hay idto sa banwa it Tangalan.
Sa makaron nakaalerto ro barangay council bukon eamang it sa posibleng pagbalik it dumueoong kundi maging sa pagbantay kontra sa African Swine Fever ukon ASF virus.
