Gina-kwesityon makaron it oposisyon ro uniteam nanday Pangueong Bongbong Marcos Jr., ag Vice President Sara Duterte-Carpio nga matsa umpisa eon it pagbueag it andang alyansa.
Raya hay kasunod sa pagresign kahapon ni VP sara bilang miyembro it Lakas-Christian Muslim Democrats ukon Lakas-CMD.
Ro medyu pagbungkag sa alyansa hay nag-ugat sa “demotion” kay Pampanga 2nd district Representative ag Lakas-CMD Chairperson Emeritus Gloria Macapagal-Arroyo halin sa senior deputy speaker paagto sa deputy speaker sa plenary session it kamara ko nagtaliwan nga Mayo 17.
Suno kay Kabataan Party lists Rep. Raul Manuel nga imbes nga tutukan ro mga nagapangunang problema it nasyon kapareho it brownout ag mataas nga presyo it mga baeak-eon hay mas gina-una pa ro mga pangkaugalingon nga interes.
Ginpahayag dugang nga kon ro alyansa hay owa nakabase sa plataporma ukon prinsipyo para sa pumueuyu, magiging matapok ro nabilog nga alliance ag indi magabuhay it maeawig nga tiempo.
Nagapati man sanda nga ro nagakatabu hay may koneksyon sa kanya-kanya nanda nga ambisyon sa politika sa masunod nga eleksyon .
