Eubus ro pasaeamat it sangka working student matapos nga mapabahin ro anang pangaean sa mga nakapasa sa libo-libong nagbuoe it 2023 Licensure Examination for Teachers.
Suno kay Geraldine Barte, uwa imaw nag-ekspektar nga makapasa apang eubus ro anang kalipay kat maabo eon ro anang nabaton nga mensahe nga naga-congratulate kana.
Uwa gihapon sigon nagasink-in sa anang isip nga makabig eon imaw makaron nga sangka licensed professional teacher.
Angot kara, nagta-o man imaw it lagyag sa mga graduating educator student nga magsalig eang sa sarili ag tyagaan it husto ro pagreview.
Pag-abot mat-a suno kana sa financial nga aspeto hay maobrahan raya it paraan kaparehas kana nga naging working student hasta sa nakatapos imaw sa pag-eskwela.
Si Barte hay taga banwa it Balete ag nagtapos it Bachelor of Science in Education major in T.L.E sa Balete Community College.
