-- ADVERTISEMENT --
Ginkumpirma it Land Transportation Office ukon LTO nga kapin sa P300 pesos eon lang ro maximum fee para sa medical examination nga sambilog sa requirements para magbuoe it student permit ag driver’s license.
Suno kay LTO Aklan head Engr. Marlon Velez, raya hay sandig sa memorandum nga ginpaguwa ni dating LTO chief Asst. Sec. Jay Art Tugade nga panabaan ro baeayran ag himuon eon lang nga P300 pesos.
Ro nasambitang desisyon hay base eon man sa rekomendasyon it natungdan nga komitiba.
Nauna eon nga nagpatigayon it pag-istudyo ag pilang serye it konsultasyon ro ahensya para masayuran ro resonableng presyo sa mga accredited health facilities.
