Nagpatigayon it inquiry ro committee on agriculture it sangguniang panlalawigan it Aklan angot sa preparasyon nga ginahimo it mga natungdan nga ahensya it gobyerno sa posibleng epekto it El Niño phenomenon sa probinsya it Aklan.
Suno kay Aklan first district board member Nemesio Neron nga ginpatawag nanda ro Department of Agriculture, National Irrigation Administration ag iba pang concern agencies agud nga istoryahan ro mga preparasyon nga ginahimo kada ahensya para sa ginaeauman nga impact it El Niño.
Ginpahayag ni Neron nga ginlatag sigon it kada ahensya ro andang preparation plan bangud nga abuton it pilang buean ro tag-init nga pagasundan it tinguean.
Sa plenaryo, ginpaathag nga ro Aklan ro less affected it El Niño phenomenon kon pagabasehan ro mga nagtaliwan nga pagtama it tag-init.
Apang, uwa sigon nagapakampante ro mga concerned agencies nga ginlatag man ro andang mga programa para sa benepisyo it mga apektadong mangunguma.
Sa makaron sigon hay may bastante pang tubi ro irrigation cannal ag engkaso gidman nga may maeawigan nga epekto ro tag-init hay may ginpresentar nga plano sa plenaryo nga imaw pa ro paga-istoryahan it uman kon makapamayad ag makabenepisyo kara ro tanan.
