Nagaeaum ro mga hog raisers sa probinsiya it Aklan nga mataw-ann it ayuda it gobyerno eabi eon ro namatayan it mga alagang baboy.
Suno kay Michael Mata, sambilog sa mga apektadong backyard hog raisers sa Brgy. Navitas, Numancia nga kabay nga mabuligan sanda it gobyerno sa naangkon nga pagkalugi matapos nga tamaan it African Swine Fever ukon ASF ro anang mga alagang baboy nga nagtuga kana it kapierdihan nga kapin sa 70,000 pesos.
Naubos eon sigon ro tanan nga alagang baboy sa nasambit nga barangay bangud sa makataeapon nga sakit it sapat.
Naga abot sa 174 nga baboy ro nagkamaeatay sa lugar base sa record it barangay council.
Bangud nga bawae anay ro pag alaga it baboy, kaabuan sa mga hog raisers idtu hay gin convert ro andang pangabuhian sa pag alaga it mga manok.
Ro andang apela makaron hay ro financial assistance nga posibleng igakapital sa pag alaga it manok.
Sa makaron hay owa pa sigon it kasiguraduhan kon hin-uno maduea ro ASF bangud nga owa pa raya it available nga bueong ag bakuna.
