Sa pihak it waea-tuo nga mga kapistahan sa probinsya it Aklan partikular sa banwa it Kalibo, naka heightened alert makaron ro bilog nga kapulisan it Aklan Provincial Police Office ukon APPO para mas masikyar nga maipabilin ro mga restrictions angot sa African Swine Fever ukon ASF virus.
Ginpahayag ni PSSGT. Jane Vega, Asst. PIO it Aklan Provincial Police Office nga hugot ro andang pagbantay sa mga border checkpoint it tagsa ka banwa ag barangay sa bilog nga probinsya eabi eon ag maabu sa makaron ro nagapaeapos it mga lechon nga baboy.
Kung may nakitaan sigon sanda nga kakueangan sa dokumento para makaeapos sa border checkpoint hay gilayon nga ginakompiska ro livestock ukon anumang produkto nga may karne it baboy.
Ginpasiguro man ni PSSGT. Vega nga ginahimu nanda ro tanan para maipatuman ro mga nagakaigong tikang para mapunggan ro daeayon nga pag-eapta it ASF virus.
Ro mga nakumpiska sigon nga mga karne ag buhi nga baboy sa border checkpoint hay insigida nga ginaturn-over sa taeatapan it Department of Agriculture.
Sa pihak nga parte, ro bilog nga pwersa it mga kapulisan it APPO hay nagatao man it seguridad para sa katapo it Department of Agriculture ag iba pang mga natungdan nga kaibahan sa ginapatigayon nga operasyon sa mga infected nga lugar it ASF virus.
Sa makaron, culling sigon ro pinaka-ulihing solusyon nga nakikita it DA ag ibang concern agency para matapna ro nasambit nga krisis sa baboy
