Eubos ro kalipay ag pagpasaeamat ni Gwency Go, ro ginkoronahan nga Binibini ng Kalibo Ati-atihan 2024.
Sa pakikipag-angot sa beauty queen ginsaysay nana ro anang mga ginhimo nga preparasyon para nga mabueo ro korona kung siin nasayuran nga bukon man it planado ro anang pag-intra sa nasambitan nga pageant.
Pagpahayag nana nga sa dati eamang nana nga mga trainings imaw nagbase kat nag-intra imaw sa screening nga naghatod man ngani kana sa kadaeag-an.
Panaysayon ni Go nga ro anang magueang nga babayi nga sangka beauty queen man sigon nag-engganyo ag nakadiskubrte sa anang potential sa pageantry.
Tingob man ro suporta ku anang mga pamilya, abyan ag mga maeapit nga kakilaea sa anang kadaeag-an nga ginbaton.
Masayuran nga si Go hay sangka nursing student sa syudad it Iloilo kung siin uwa pa sigon imaw it plano nga magpasakop sa mga national pageants sa makaron ag mas ginpili nga magpokus anay sa anang pagtuon.
