REGIONAL News — Naputos it kahadlok ro pilang motorista ag residente matapos tumama ro buhawi sa pilang lugar sa Murcia, Negros Occidental.
Nagkalhit sa social media post ro mga video it pilang nakasaksi sa buhawi bandang 2:00 PM ko Huwebes Marso 6, 2025.
Makita sa video ro pagsabog it poste it Negros Electric and Power Corp., pag-eupad it yero halin sa bungbungan it sangka bodega, ag pagkatumba it mga puno sa 15-minutong buhawi.
Bangud sa kabaskog it hangin nga tumama sa Bacolod-Alijis 69 kV sub-transmission line, nawad-an it suplay it kuryente sa Alijis ag Murcia substations pati man sa andang mga feeder.
Suno kay Engr. Si Mervin Dalian, assistant vice president it Network Development and Operations Group it Negros Power, madasig nga ginpahueag ro mga technical team it Negros Power agud nga usisaon ro kahalitan ag ginbo-oe ro mga puno nga natumba sa linya it kuryente.
Makataliwan ro 3-oras naibalik ro suplay it kuryente .
Ginpahayag man ni Renante Nansan, operator ag responder it Murcia Municipal Disaster Risk Reduction and Management Office (MDRRMO), nga ro grabeng init hay pwedeng mag-amot sa pagbilog it buhawi.
Owa man it nailistang naninahan samtang padayun nga gina-usisa it mga rescue team ro kabilugan nga epekto it buhawi.
