Haum eon ro Aklan Police Provincial Office (APPO) para sa paeaabuton nga 2025 midterm eleksyon.
Suno kay P/Cpt. Aubrey Ayon, tagapaghambae it APPO, ginahimo nanda ro tanan sa giya it Commision on Elections (COMELEC) para sa nagahilapit nga 2025 midterm election. Mas ginpahugot sigon nanda ro andang pag-conduct it mga check point operations ag nagapatigayon it mga surprise operations mageuwas sa mga nakaschedule nga check points.
Bangud tapos eon ro peace covenant signing ag mga prayer rally, naga pokus eon sigon sanda sa mga implementation ag intelligence monitoring bangud sa idaeom kita it category green ag uwa kita naila nga maelevate raya kaya ginahimo nanda tanan bukon eang it mga kapulisan kundi kaibahan eon ro mga partner agencies para mapabilin ro katawhayan ag uwa gid it magtuhaw nga mga mahugot nga away politika ukon mga paeag pag-abot sa nagahilapit nga eleksyon.
Dugang pa ni P/Cpt. Ayon nga ro inisyal nga plastada it mga kapulisan sa mga voting precint hay indi mag naba sa daywa ro maga-duty ag may mga course multipliers man nga haum nga magbulig. Nakahathat eon man ro mga plastada ag magahueat eon lang kun may dugang pa nga augmentation ukon pwersa nga maabot para sa deployment.
