Padayon nga gina-imbestigan it mga kapulisan it Kalibo Municipal Police Station ro nag-tuhaw nga panibag-ong firing incident ku adlaw it Huwebes, Abril 3.
Suno kay P/Lt. Sally Mar Bretania, public information officer it Kalibo MPS, on going ro andang ginahimo nga profiling ag nagaconduct man it monitoring ro Intelligence officers angot sa rayang gina-alegar nga suspek sa pagpaeupok it baril sa mga menor de edad nga naga connect eamang sa piso wifi nga maeapit sa anang baeay.
Gintinguha sigon it mga kapulisan nga komprontahon ro gina-alegar nga suspetsyado apang kat ginadtunan nanda raya hay uwa nag sabat ag uwa sanda gin-atubang.
Ginpahayag pa ni P/Lt. Bretania nga sa makaron hay gina-imbestigahan pa nanda kun may mga CCTV footages sa lugar para makita ag masayuran kun may nag-tuhaw gid man nga firing incident bangud puro alegasyon pa eamang raya ag uwa pa it bastanteng ebidensya bangud uwa nakit’an nga may aktwal gidman imaw nga nabuytan nga armas. Kun mapamatud’an, posibleng maga-pangatubang ro alleged suspect sa mga kaso kontra sa COMELEC gun ban ag pati eon man sa kasong illegal possession of firearms kun makit’an raya nga may buyot nga illegal nga armas.
