KALIBO, Aklan—Ginsang-ayunan it Bagong Alyansang Makabayan ro statement it Aklan Integrated Transport nga kapin sa 90 porsyento eon ro consolidated rate it mga jeepney operators and drivers nga nagsueod sa kooperatiba para sa Public Transport Modernization Program it gobyerno.
Apang, gin-insister it provincial coordinator it grupo nga si Kim Sin Tugna nga napilitan eamang sigon ro kaabuan sa mga raya nga magpasakop sa kooperatiba ag diskontento sa programa it gobyerno.
Suno pa kana, makabig nga bukon it serbisyo para sa mga maintok nga drivers and operators ro nasambit nga programa kundi nagakahueogan raya it pagkadue it andang pangabuhian.
Rason nga padayon nga ginaduso it andang grupo kaibahan ro iba pang transport group ro pag-angkon it individual franchise ag ibalik raya sa limang dag-on.
Ginpanindugan pa ni Tugna nga kaparehas sa isla it Boracay, maabong mga ulitimong drivers and operators ro naapektuhan sa pagconvert it nakaangdan nga tricycle paadto sa electric tricycle.
Bangud kara, kon gusto suno kana it gobyerno nga idomernize ro public transport sa Aklan hay dapat bukon it milyon ro balor it unit bangud nga may alternibo nga modernize jeepney nga himo it pinoy ag manaba ro presyo rason nga panawagan nanda sa gobyerno nga raya ro tangkilikon agud nga inde madueaan it pangabuhian it ultimong jeepney operators and drivers.
