LINABUAN NORTE, Kalibo — Nagaeaum ro mga apektadong residente nga pagataw-an it konsiderasyon it tag-ana it eugta ro andang apela nga mataw-an sanda it road right of way.
Raya ro ginpahayag ni Ailyn Alayon, sambilog sa 24 nga apektadong home owners. Raya hay kasunod it abiso it land owner nga eubusan eon kara nga igasarado ro anang anang property nga nahamtang sa Osmeña Avenue, Linabuan Norte, Kalibo kahapon nga adlaw it Miyerkules, Abril 23 bangud nga plano nana raya nga igabaligya.
Suno kay Alayon nga owa sanda it ibang maagihan engkaso nga indi sanda pagtaw-an it road right of way. Mabuhay nga dinag-on eon sigon ukon umpisa dekada 70 pa kat ginagamit it mga residente ro nasambit nga daean ag ko buean it marso it makaron nga dag-on hay nagpa-abiso ro tag-ana it eugta nga igasarado eon ro nasambit nga lugar.
Dugang pa nga base sa anang pagkasayod, ginabaligya it tag-ana ro daean sa balor nga P9,000 per square meter ukon kapin sa P11-milyon. Ginpahayag ni Alayon nga indi nanda masarangan ro nasambit nga kantidad.
