-- ADVERTISEMENT --
Nag-tao ro Japan it P150 million para pondohan ro Project for Human Resource Development Scholarship (JDS), nga nagasuporta sa advanced education.
Ginpermahan raya nanday Japanese Ambassador ENDO Kazuya ag DFA Secretary Enrique Manalo ku Abril 25, 2025.
Magasakop ro pondo sa master’s degree it 20 inungang empleyado it gobyerno Pilipinas sa mga kilaeang unibersidad it Japan halin Academic Year 2026–2027.
Tuyo pa it programa nga paumwaron ro kapasidad it mga Pilipino bilang parte it pag-suporta it Japan sa human resource development it nasyon.
Halin kat mag-umpisa ro JDS ku 2002, umabot eon sa 459 ro numero it mga Pilipinong nakapanipueos kara.
-- ADVERTISEMENT --
