Ginpabugae it Malakanyang nga pinaeawig pa ro Philippine Health Insurance Corporation (Philhealth) ang benepisyo para sa mga pasyenteng may sakit nga Malaria.
Suno kay Palace Press Officer USec. Claire Castro nga raya hay sabat it gobyerno sa panawagan it World Health Organization nga magkaisa kontra sa sakit nga Malaria.
Ginpahayag ni Castro nga umpisa sa dating P780, gintaas sa P1,170 ro benepisyo para sa diagnostic test, gamot, ag konsultasyon. Sakop eon man ro pag-bueong sa uncomplicated malaria sa paagi it P5,460 nga package sa primary care ag hasta P7,800 para sa mga pasyenteng kinahangean maospital.
Suno kay Dr. Edwin Mercado it PhilHealth, ro bag-ong malaria package hay parte it mas pinabaskog nga tikang para maging mas madasig, masarangan sa buesa, ag komprehensibo ro serbisyong pang-ikamayad nga eawas para sa tanan. Tuyo karang suportahan ro target it nasyon nga daeayong wakasan ro malaria sa dag-ong 2030.
Suno sa Palasyo, andang ginkalugid ro padayon nga pagtutok it administrasyong Marcos sa kapakanan ag ikamayad nga eawas it kada Pilipino, eabi eon sa printe it paeag it mga sakit kapareho it malaria.
