Naging madinaeag-on ro pagselebrar it fiesta de obreros kadungan it labor day ko Mayo 1.
Suno kay Kathrine Licerio, tagapaghambae it Malay Tourism Office, ro nasambit nga okasyon hay dag-unan nga ginahiwat sa mainland Malay kon sa siin ginapasidunggan kara ro mga trabahador.
Ginakabig raya nga sangka mabahoe nga selebrasyon nga nagataeana sa pagkilaea sa kabaskog ag diwa it mga trabahanteng Malaynon kamana man sa andang patron nga si St. Joseph the Worker.
Sa nasambit nga selebrasyon hay nakit-an ro mapagsik nga street dancing ag kasadyahan kon sa siin ginpabugae it mga trabahador ro andang talento ag gapagsik nga nagapakita it makolor nga enerhiya it komunidad.
Tampok man kara ro PASADA, sangka makolor nga patimpalak it saot nga nagalarawan sa mga lokal nga industriya ag pangabuhian it Malay—sangka malikhaing pamaagi agud buhion ro mga istorya it mga tawong una sa likod it kaumwaran.
Ro selebrasyon it fiesta de obreros hay gin-umpisahan kato pang 2003.
