-- ADVERTISEMENT --
Nasamad ro sangka automated counting machine (ACM) matapos buhusan it tubi it sangka poll watcher sa sangka polling precinct sa Marawi City, Lunes it agahon sa nagapadayon nga eleksyon 2025.
Base sa report, gilayon nga nagresponde ro mga pulis it Marawi City, apang nagpaeagyo eon ro poll watcher bago pa sanda nag-abot.
Ginkumpirma it technician halin sa Commission on Elections (COMELEC) nga nasamad ro makina bangud sa insidente.
Ro nasambit nga ACM hay nakataeana sa ap-at nga gintingob nga presinto para sa mga evacuee it Marawi siege sa Barangay West Marinaut ag Barangay Sagonsongan.
Temporaryong napundo ro pagboto sa lugar, apang eagi raya nga ginpadayon matapos nag-abot ro kabaylo it counting machine.
-- ADVERTISEMENT --
