Nakipagbahin sa 2025 midterm election makaron nga Lunes ro libo-libong persons deprived of liberty (PDLs) halin sa nagkaeain-eain nga kulungan ag penal farms sa nasyon.
Suno sa Bureau of Corrections (BuCor), nagaabot sa 4,125 PDLs ro rehistradong botante, kon sa siin 2,135 hay halin sa New Bilibid Prison (NBP).
Kaibahan sa mga lugar nga may mga botanteng PDL hay ro Davao Prison and Penal Farm (924), Leyte Regional Prison (421), San Ramon Prison and Penal Farm (290), ag Iwahig Prison and Penal Farm (140).
May una man nga 123 botante sa Correctional Institution for Women (CIW) sa Mandaluyong ag 92 halin sa CIW-Mindanao.
Ginpahayag it BuCor nga ginpasugtan ro pagboto it mga PDL nga presenteng ginbista, kaparehas it may sentensiyang kueang sa sang dag-on, ag ro mga may kasong pwedeng i-apela pa ukon may kaangtanan sa rebelyon, sedisyon, ukon mga krimen kontra sa pambansang seguridad.
Samtang, gintambungan it mga foreign observer ro botohan sa mga kulungan, sa bulig it BuCor personnel ag mga opisyal it Comelec-Muntinlupa.
Present man si Commission on Elections (Comelec) Chairman George Garcia.
