KALIBO, Aklan — Owa it sin-o man nga mga manugturo sa Western Visayas nga nagserbisyo sa bag-o eamang natapos nga national and local elections ro ginreklamo sa pag-eabag sa anuman nga guidelines ag laye angot sa bag-o eamang natapos nga eleksyon.
Suno kay Mr. Hernani Escullar Jr., spokesperson it Department of Education Region VI nga makabig nga mga “unsung heroes” ro mga manugturo bangud sa andang ginpakita nga kaisog, serbisyo, dedikasyon, ag pagiging makabayan agud nga masiguro ro eowas, patas ag maayos nga pagpatigayon it eleksyon sa mga natungdan nga polling precincts.
Samtang, kaabuan suno kana sa mga isyu nga nagtuhaw ko eleksyon hay insigida man nga nasolbar sa bulig it Commission on Elections, ag iba pang natungdan nga ahensiya it gobyerno.
Kaeabanan sa mga problema nga nagtuhaw hay ro pagkasamad ukon aberya sa vote counting machines, iregularidad sa balota ag resibo, paggutok it trapiko sa guwa it eskwelahan ag iba pa.
