Nasapwan it Philippine Coast Guard (PCG) ro tatlong Chinese research vessels sa exclusive economic zone (EEZ) it Pilipinas sa nagtaliwan nga tatlong dominggo, suno kay Commodore Jay Tarriela, tagapaghambae it PCG para sa West Philippine Sea.
Ro sambatong barko nga Xiang Yang Hong 302, hay nagpanaw sa Hainan ku Mayo 1 ag presenteng una sa eayo nga 180 nautical miles halin sa baybayon it Rizal, Palawan.
Ro barko ngara, nga may habang 100 metro ag bug-at nga 4,500 tonelada, hay may kapasidad nga magpatigayon it survey sa idaeom it dagat.
Sambato pang barko nga Tan Sou Er Hao, hay nagpanaw sa Hainan ku Mayo 8 ag presenteng una sa 130 nautical miles halin sa Burgos, Ilocos Norte.
Ginasubaybayan raya it PCG sa paagi it maritime domain awareness flights.
Samtang, ro Zhong Shan Da Xue, nga umabot sa Philippine EEZ ku Marso 31, hay bumalik eon sa Guangdong province ku Mayo 20.// suno kay Tarriela, natumod ro mga barko gamit ro dark vessel detection nga gin-tao it gobyerno it Canada.
Padayon nga gina-monitor it PCG ro mga nabilin nga barko bilang parte it andang maritime security efforts.
