Ginsiguro it Department of Agriculture (DA) nga minimal eamang ro magiging epekto it pilot testing it P20 rice program sa mga rice retailers.
Ro programa ngara, nag nakapokus sa vulnerable sectors, hay ginumpisahan sa Kadiwa Stores sa Cebu ag ginahana nga paeawigon sa iba pang rehiyon, kaibahan ro Mindanao.
Suno kay DA Assistant Secretary Arnel De Mesa, may mga report nga nagnaba ro baealigyaan it bugas sa pilang baeakean matapos ilunsar ro programa sa National Capital Region (NCR).
Apang, gin-punto nana nga indikasyon raya nga may espasyo pa para magnaba ro presyo it bugas samtang nagapabiling naga-kita ro mga retailers.
Ginapadumduman man ni National Food Authority (NFA) Administrator Dr. Larry Lacson nga maisot nga parte eamang it kabilugang produksyon it bugas ro sakop it NFA, kaya limitado ro epekto it programa sa kabilugang merkado. Sa makaron, ro P20 rice hay eksklusibo para sa piling sektor.
Samtang , bukas sigon si Agriculture Secretary Francisco Tiu Laurel Jr. sa talakayan ag konsultasyon para solusyunan ro mga kinahangeanon it mga rice retailers.
Padayon man ro pagpaeawig it programa, nga nakataeanang ilunsar sa iba pang rehiyon sa Mindanao.
