Nabue-an it mga bukon lisensyadong mga armas ro sangka eaeaki sa Sitio Centro, Brgy. Bulabod, Malinao.
Ginkilaea ro subject person kay John Mark Imaculata, 36-anyos nga tumandok it nasambit nga lugar.
Suno kay P/Cpt. Joselito Fernandez, acting chief of police it Malinao Municipal Police Station, sa bisa it search warrant hay narekober sa ana mismong panimaeay ro 38 caliber revolver, limang bala it nasambit nga revolver, ag 2 ka bala it 12 gauge shotgun.
Gin-issue sigon ro search warrant ku Byernes bangud eon man sa mga reklamo sa andang taeatapan apang, uwa raya insigidang hapatigayon bangud nagapanaw-panaw ro subject.
Bandang alas 7:30 kahapon it agahon, gin serbe ro search warrant kaibahan ro mga witnesses. Nagapamalibad man ro suspect nga ginapanag-iyahan nana ro mga nasambit nga armas.
Magadihon man sigon sanda it kaso nga pag-eapas sa RA 10591 ukon Comprehensive Law of Firearms and Ammunitions Regulation Act. Sa makaron sigon iga-inquest eon imaw sa prosecuto’rs office.
Padumdom man ni P/Cpt. Fernadez nga kun may mga bukon it lisensyadong mga armas hay insigida eon lang nga isurrender sa anumang taeatapan it kapulisyahan.
