Naka-sumite eon ro International Criminal Court (ICC) it ika-pitong batch it ebidensya kontra kay dating Pangueong Rodrigo Duterte angot it kasong crimes against humanity tuga it madugo sigon nga kampanya kontra droga.
Ku Mayo 30, ginreport nga nagdugang ro prosekusyon it 129 items it ebidensya, mageuwas sa 267 nga na-pasa halin Abril 30.
Suno kay ICC Prosecutor Karim Khan, nga temporaryong naka-leave bangud sa ginaimbestigahan nga misconduct, una sa 130,000 dokumento ro kinahangean repasuhon antes daeayong masiwalat.
May deadline ro prosekusyon hasta Hulyo 1 para ma-sumite ro tanan nga ebidensyang pagagamiton sa nakataeanang hearing sa Setyembre 23.
Madumdumang naaresto ro dating pangueo ku Marso 11 base sa international warrant, ag presenteng nakakulong sa ICC headquarters sa The Hague, Netherlands.
Masobra 30,000 ro nareport nga napatay sa idaeom it anang anti-drug campaign, suno sa mga grupo it kinamatarong it tawo.
Samtang, ku Mayo, ginpamalibaran it ICC ro hinyo it kampo ni Duterte nga madiskwalipika ro daywang ICC judges nga naga-buyot sa anang kaso.
