Ginpanindugan ni Kabataan partylist representative Atty. Rennee Co nga employed without submitting biodata ro magiging sitwasyon it Duterte Youth partylist engkasong ginproklama sanda it Commission on Elections ukon Comelec nga sambilog sa mga nagdaog nga partylist ko nagtaliwan nga May 12 midterm election maskin pa nakabuoe it haeos 2.3 milyon nga boto.
Raya hay bangud sa kasong diskwalipikasyon nga ginpasaka sa grupo ko 2019 rason nga maskin nga nagdaog ko nagtaliwan nga eleksyon hay nagapabilin nga nakabinbin ro andang kapalaran bangud sa mga legal nga kakueangan sa andang pagparehistro.
Ginpaathag dugang ni Atty. Co nga sa kasong ginpasaka, napamatud-an nga ro andang pagparehistro hay naaprubahan nga uwa it mandatoryong publikasyon ag pampublikong pagpamati nga ginapangayo it 1987 Konstitusyon ag Republic Act No. 7941 ukon Party-List System Act.
Nauna eon nga ginbasura it Comelec Second Division ro petisyon it Duterte Youth para magparehistro bilang “sectoral organization” bangud sa maabong procedural lapses, kaibahan eon ro kakueangan sa dokumento, misrepresentasyon, ag pag-eabag sa mga batas-eleksyon.
Sa makaron mat-a hay nakataeana nga magpaguwa ro law department it Comelec it motu proprio show cause order kontra sa unang nominado it Duterte Youth bangud sigon sa paggamit it ibang apelyido sa anang Certificate of Nominations and Acceptance.
Madumduman nga nagpangaywa ro Duterte Youth sa party-list race para sa Eleksyon 2025 apang ginpaiway it komisyon nga makapungko bilang National Board of Canvassers ro andang proklamasyon bangud sa mga nakabinbing kaso.
