Ginpabaskog it Department of Migrant Workers (DMW) ro pakikipagbueoligan sa 15 nga iba pang ahensya it gobyerno para masiguro ro mga pagtinguha sa reintegration para sa mga overseas Filipino worker (OFWs).
Nabilog ro sangka bag-ong National reintegration Network (NRN) para sa mga OFW kasunod it pagpirma it Joint Memorandum Circular (JMC) sa pagselebrar it ika-30 anyos nga anibersaryo it Migrant Workers’ day sa Occupational safety and Health center compound sa Quezon City.
Ginpahayag ni DMw Secretary Hans Leo Cacdac nga ro JMC hay sandig sa direktiba ni Pangueong Marcos para sa sangka mas mabaskog nga inter-agency collaboration agud masiguro ro madasig ag mayad nga paghatod it mga serbisyo sa reintegration para sa mga OFW.
Magatao ro mga kabulig nga ahensya it pangabuhian, pagpadali sa trabaho, mga Help Desk it OFW, serbisyong pang ikamayad nga eawas, bulig sa mga Indibidwal sa sitwasyon it krisis, building capacity, pag-ensayo ag pagpamayad it training ag pag-angkon it P20 kada kilo it bugas ag mas barato nga mga bueong.
Sa pagbilog it NRN, nagasalig si Cacdac para sa posibleng 200-percent increase sa reintegration fund it DMW ag OWWA.
