Magasumite it motion for clarifications ro House Prosecution Panel sa Senate impeachment court matapos karang i-remand ro articles of impeachment kontra kay Vice President Sara Duterte sa House of Representatives.
Suno kay Rep. Gerville Luistro, kinahangean nandang klaruhon ro kasuguan it Senado antes batunon ro mga artikulo.
Sa pihak nga ginakilaea ro pag-tao it summons kay VP Duterte bilang indikasyon it pagpadayon it impeachment trial, nagpahayag ro panel ir pagkalito sa desisyon it Senado.
Ginbatikos man ni Manila Rep. Joel Chua ro tikang, nga eabag sigon sa Konstitusyon ag eampas sa mandato it Senado.
Ginpadumdom man ni House Prosecution Panel Chairman Marcelino Libanan nga ro Kamara ag Senado hay tupong nga sangay it gobyerno, apang sa impeachment trial, ro Kamara hay prosecution panel ag ro Senado ro impeachment court.
Sa pihak it mga pagka-delay, ginpahayag ni San Juan City Rep. Isabelle Zamora nga magapabilin sandang nakapokus sa andang obligasyon ag padayon nga maga-sunod sa laye samtang nagahueat sa pagklaro halin sa Senado.
