INTERNATIONAL News — Sangka 38-anyos nga eaeaki ro gin-report nga naga-isaeahanon nga naka-eowas sa pag-crash it eroplano it Air India.
Ro survivor hay nakilaea nga si Ramesh Viswashkumar.
Tumandok it India si Ramesh apang naga-istar sa London sa nagtaliwan nga daywang dekada kaibahan ro anang asawa ag unga.
Nagbalik imaw sa India para kunta sa sangka family reunion apang natabu ro nasambit nga trahedya.
Ginpahayag nga nag-eumpat imaw halin sa emergency exit.
Sa inisyal nga impormasyon, kaibahan nana sa flight ro anang igmanghud nga si Ajay Vishwaskumar nga missing pa hasta makaron.
Nasayuran nga 242 ro sakay it eroplano kat nag-crash raya sa residential area partikular sa medical college hostel sa guwa it airport sa Ahmedabad.
Paagto kunta raya sa Gatwick Airport sa London.
Sa mga na-recover nga bangkay, owa pa it kumpirmasyon kun raya hay mga pasahero ukon mga tawo nga una sa karsada sa area ag nadaeahig eamang sa natabu nga plane crash.
Ro survivor hay padayon pa nga ginabueong sa Ahmedabad Hospital.
