Posibleng ipatuman ro P1 nga dugang sa pamasahe sa Jeepney sa masunod nga dominggo bangud sa sunod-sunod nga big-time oil price hikes tuga it nagapadayon nga giyera sa tunga it Iran ag Israel.
Sa sangka pahayag hay hinamba it Land Transportation Franchising Regulatory Board nga posible nandang pasugtan ro hirit it mga jeepney drivers ag operators sa piso nga dugang sa pamasahe.
Suno kay LTFRB chairman Atty. Teofilo Guadiz III, posibleng aprubahan anay ro one peso across the board ag bukon ro per kilometer nga increase. Magiging mabug-at sigon abi sa parte it mga pasahero kun indi ipatuman ro flat rate. Posible man sigon nga mag-tao sanda it provisional increase pero raya hay may kaakibat nga kondisyon.
Gina-tun’an man it ahensya ro pag-tao it fare hike petition it mga provincial buses sa nasyon para masolusyunan ro andang mga hinaing sa mataas nga presyo it petrolyo.
