KALIBO, Aklan — Agud nga malikawan ro mahabang pila ag iba pang isyu sa pakikipag-transaksyon sa Bureau of Internal Revenue (BIR), ginlunsar nanda ro e-appointment system .
Suno kay Mr. Jojit Paderes, head it client support section it BIR-Aklan nga tuyo kara nga mas pa nga mapadasig ro proseso it pagparehistro it mga taxpayer.
Dikara hay pwedeng magtaeana it schedule ro mga taxpayer para sa andang transaksyon sa andang BIR Revenue District Office gamit ro e-appointment system kun sa siin sakop kara ro haeos tanan nga transaksyon sa opisina.
Pinaagi sa e-appointment system, pwedeng i-schedule it mga taxpayer ro andang pagbisita sa district office para sa sangka partikular nga frontline services nga gustong i-avail sa Client Support Section.
Raya hay ginaeakipan it pagparehistro it negosyo, application para sa authority to print, pagparehistro it book of accounts, aplikasyon para sa pag-isyu it TIN, pag-update it impormasyon sa pagparehistro ag iba pa.
Ro e-appointment System para sa client support section hay pwedeng ma-access pinaagi sa BIR website.
Padumdum pa ni Paderes nga indi magpa-“late” sa ginpa-book nga oras kon makipag-transaksyon ag raya hay bukas daywang adlaw sa gintaeana nga schedule.
Sa pihak nga parte, ro mga indibidwal man suno kana nga naga-apply para sa TIN sa idaeum it one-time transaction hay pwede eon man nga maka apply online pinaagi sa Online Registration and Update System ukon ORUS it BIR kun sa siin ro approval hay sa sueod it 3 working days.
Apang ro system hay under maintenance umpisa ko buean it Mayo rason nga indi pa raya magamit.
Pwede man sigon magamit ro andang taxpayers registration related application .
