Gin-sugo it Office of the Ombudsman si Vice President Sara Duterte ag siyam nga opisyal halin sa DepEd ag Office of the Vice President (OVP) nga magsumite it counter-affidavit angot it reklamong maling paggamit it confidential funds. May una sandang 10 adlaw para mag-tao it sabat, kaibahan ro salaysay it mga saksi ag iba pang ebidensiya.
Paandam it Ombudsman, ro indi pagsumite hay makabig nga pagwaksi it kinamatarong nga mag-tao it depensa, ag maga-padayon ro imbestigasyon.
Ro kaso hay may kaangtanan sa ₱500M confidential funds it OVP ag ₱112.5M it DepEd halin 2022–2024.
Kaibahan sa mga reklamo ro plunder, technical malversation, falsification, bribery, ag pageabag sa Konstitusyon.
Ginpamalibaran ni Duterte ro mga alegasyon, nga parte man it impeachment case kontra kana sa Senado.
