Phivolcs nagbabala sa posibleng pagputok ng Bulkang Taal

Nagbabala ang Philippine Institute of Volcanology and Seismology (Phivolcs) na maaaring pumutok ang Bulkang Taal anumang oras matapos makapagtala ng pagtaas sa seismic energy at tuloy-tuloy na volcanic tremors nitong weekend.

Ayon sa Phivolcs, ang biglang pagtaas ng real-time seismic amplitude measurements (RSAM) at kawalan ng degassing mula sa main crater ay maaaring senyales ng pagbabara sa daanan ng volcanic gas.

Ito ay posibleng magdulot ng phreatic o phreatomagmatic eruption.

Nananatili sa alert level 1 ang Taal, at pinaalalahanan ang mga lokal na pamahalaan na maghanda laban sa posibleng pagtaas ng sulfur dioxide at mga panganib sa kalusugan.