IBAJAY, Aklan — Na-remedyuhan eon it Department of Public Works and Highways (DPWH) Aklan District Engineering Office ro nasamad nga portion it bag-ong construct nga revetment wall sa Ibajay River sa Barangay San Jose, Ibajay.
Suno kay Ibajay Mayor Joem Miraflores nga nakaangkon it kasamaran ro nasambit nga slope protection sa kasagsagan it natabu nga mga pagbaha ko nagtaliwan nga mga binuean.
Ginpahayag dugang nga antes pa man nga nag-viral ro litrato it nasamad nga proyekto hay na-report eon nanda raya sa DPWH rason nga insigidang nataw-an it solusyon pinaagi sa pagbutang it mga jackstone.
Ginpamalibaran man nana ro alegasyon nga owa it nakita nga saesaeon ro gin-obra nga revetment wall.
Samtang, ginkumpirma ni Mayor Miraflores nga nakumpleto it DPWH Aklan ro construction it bag-o nga revetment wall nga gin-umpisahan ko 2024.
Ro proyekto hay ginpondohan it ₱94-million halin sa 2024 General Appropriations Act.
Mabahoe suno kana ro importansiya it proyekto bangud nga nagatau raya it proteksyon sa mga komunidad sa kilid it suba.
Nagaeaum man imaw nga mapadayun ro masunod nga phase it proyekto sa masunod nga mga dinag-on sa atubang it temporaryo nga pagpaiway sa pagtaeana it pondo para sa makaron nga dag-on sa mga paga-obrahon nga flood control projects ag iba pang infrastructure projects sa nasyon tuga it nabulgar nga anomaliya.
Ibajay Mayor Joem Miraflores
