Ipinahayag ng Department of Public Works and Highways (DPWH) ang buong suporta sa panukalang Department of Water na layong pag-isahin ang pamamahala ng mga programa sa tubig at flood control sa bansa.
Ayon kay DPWH Secretary Vince Dizon, suportado ni Pangulong Ferdinand Marcos Jr. ang hakbang na magpapahusay sa koordinasyon at solusyon sa mga suliranin sa pagbaha at kakulangan sa tubig.
Iminungkahi ito ni Senador JV Ejercito sa pagdinig ng 2026 DPWH budget, at isinulong din niya ang pagkakaroon ng pangmatagalang masterplan para sa imprastraktura.
Inamin ni Dizon ang kakulangan sa koordinasyon sa mga proyekto at binanggit ang isinasagawang Central Luzon Floodway Masterplan sa tulong ng ADB.
Ang panukalang budget ng DPWH para sa 2026 ay PHP625.78 bilyon — pinakamababa mula 2020, alinsunod sa pagtutok ng administrasyon sa mga mahahalagang proyekto lamang.
