KALIBO, Aklan — Nag-abot sa 23,454 ro numero it mga nailistang evacuees it Department of Social Welfare and Development (DSWD) Field Office 6 halin sa 311 nga barangay sa bilog nga Aklan bangud sa epekto it Bagyong Tino.
Suno kay Therese Fely Legaste, public information officer it DSWD Region 6.
Apang base sa andang latest monitoring, naka-uli eon sa andang natungdan nga mga panimaeay ro nasambit nga mga evacuees kadungan sa pagpundo it mabaskog nga hangin ag uean.
Pinakamaabu nga evacuees hay halin sa banwa it Buruanga nga nakalista it 3,679 nga indibidwal ag banwa it Altavas nga may una nga masobra sa 2,729.
Sa mayad nga swerte ag owa it may nailistang namatay, naduea ag grabeng naninahan bangud sa bagyo.
Samtang, sa Aklan hay may napueo sanda nga mga sites kun sa siin naka-preposition ro andang mga family food packs nga naga abot sa kabilugan nga 6,559.
