Ginsentensyahan it Pasig City Regional Trial Court si dating Bamban, Tarlac mayor Alice Guo it reclusion perpetua matapos nga napamatud-an nga guilty sa qualified human trafficking may kaangtanan sa operasyon it POGO hub sa anang banwa ko 2024.
Suno sa Presidential Anti-Organized Crime Commission (PAOCC), natukiban it korte nga may direkta nga partisipasyon si Guo sa ilegal nga aktibidad nga nagresulta sa pag-eowas it masobra 800 nga mga Pilipino ag mga dumueuong sa sangka raid sa sangka POGO compound sa Bamban ko Hunyo it nagtaliwan nga dag-on.
Nagtambong si Guo sa promulgation pinaagi sa online appearance bangud naka-preso raya sa Pasig City Jail Female Dormitory. Nauna imaw nga nag-plead “not guilty” ko Septyembre 2024.
Antes ro desisyon, ginbasura it korte ro anang apela nga makapiyansa bangud mabakod ro ebidensya it prosekusyon kontra kana.
Mag-eowas sa kaso nga trafficking, may una man imaw nga separado nga kaso nga money laundering ag nauna eon imaw nga gindeklara nga bukon it Filipino citizen it sangka korte sa Manila rason nga ginbo-oe bilang alkalde.
