KALIBO, Aklan — Nag-angkon it madaeum nga nina sa ubos nga parte it tuo nga kilay ro sangka 74 anyos nga lolo matapos nga baywon it sangka barangay tanod kat gina-alegar nga makaangkon it mainit nga diskusyon sa Brgy. Laguinbanua West, Numancia, bandang alas-5:20 it hapon it domingo, Nobyembre 23.
Padayun nga gina-obserbahan sa Aklan Provincial Hospital ro biktimang si Felix Tajaran, residente it nasambit nga lugar.
Nagpaeagyo mat-a ag padayun nga ginatugis ro tanod nga si Luciano Beltran, ginaboeobanta nga eampas 40 anyos ro edad ag residente man it nasambit nga lugar kat masayuran nga gindaea sa ospital ro biktima it mga rumespondent tawuhan it MDRRMO-Numancia.
Ginasugid nga natabu ro insidente matapos nga ginbo-oe it tanod ro yabe it andang barangay outpost sa baraka nga ginapanag-iyahan it lolo.
Pahayag dugang nga ro biktima ro ginhimo nga custodian it yabe bangud nga maeapit ro anang baraka sa outpost.
Si Erlinda Vega Torado, igkampod ag unang nagtabang sa biktima.
Samtang, nagapati si Barangay Kagawad Michael Solina nga posibleng nakaangkon it owa pagka-ilintindahan ro daywa nga nagresulta sa pagbayo it tanod sa magueang.
Mabahoe man suno kana ro posibilidad nga mapahalin ro suspek bangud sa anang gin-obra sa senior citizen.
si Barangay Kagawad Michael Solina
