IBAJAY, Aklan — Gin-umpisahan eon it lokal nga gobyerno it Ibajay ro mga aktibidad para sa andang kaugalingon nga version it Ati-Atihan Festival nga pagahiwaton sa Enero 24 hasta 25.
Suno kay Ibajay Mayor Jose Miguel Miraflores nga adlaw it Lunes hay umarangkada eon ro andang opening salvo parade and program kamana man ro DepEd night .
Adlaw it Martes hay ginpatigayon ro battle of the band majorettes and lyre ag barangay night .
Samtang, sa Biyernes, pagahiwaton ro municipal day parade ag sinadsad sa kalye.
Sa sabado sa bisperas it kapistahan, bandang alas-12:00 it udtro adlaw hay pagahiwaton ro pagsaylo it imahe it Sto. Niño halin sa kumbento paagto sa simbahan.
Ginabutang ro imahe sa sangka kahon nga saeaming agud nga makita it tanan nga mga deboto samtang nagasadsad ag nagabitbit it nagkaeain-eain nga bandira ag inasae ag dueueungan nga nagasinggit it “Viva kay Señor Santo Niño!”
Sa kaadlawan sa Domingo nga adlaw hay paga-umpisahan ro Ati tribe and float contest kamana man ro prusisyon sa imahe it Sto. Nino ag sa gabi-i hay ro pag anunsyo it mga nagdaog.
Sa pihak nga parte, ginkumpirma ni Mayor Miraflores nga naga-abot sa kapin sa 300 nga pulis ro ginpadaea nga maga-augment agud nga magbantay sa peace and order it selebrasyon para sa kaeowasan it mga festival goers.
Maskin suno kana ro traffic rerouting hay gin-ayos man gamit ro diversion road agud nga masiguro ro maayos nga daeagan it mga saeakyan.
