IBAJAY, Aklan — Sangka bag-ong chapter ro maga-umpisa matapos nga ginpatigayon ro blessing ukon pag bendisyon sa bag-ong gin-renovate nga session hall ag opisina it Sangguniang Bayan kamana man ro improvement it munisipyo it lokal nga gobyerno it Ibajay ko adlaw it Lunes, Enero 19.
Suno kay Ibajay mayor Jose Miguel Miraflores nga ginpatigayon ro renovation para sa mas maayos nga serbisyo, mas mapag-on nga pakikipag-transaksyon sa publiko ag tingob nga pag-umwad.
Tuyo man kara nga eubusan nga maduea ro bakas it makangieidlis nga krimen matapos nga ginbaril patay ni Sangguniang Bayan member Mihrel Senatin sa sueod mismo it session hall ko Agosto 8 it nagtaliwan nga dag-on si Vice Mayor Julio Estolloso bandang alas-9:15 it agahon gamit ro .9mm nga baril.
Dugang pa ni Mayor Miraflores nga ro pilang pagbag-o sa lugar hay anang interior ag ro pag-elevate sa anang floor area kamana man ro pagbutang it mga bleachers nga sabat sa criteria it Seal of Good Local Governance (SGLG).
Adlaw it Miyerkules hay pormal eon nga gingamit ro lugar sa ginpatigayon nga session.
