KALIBO, Aklan — An-um nga hepe sa idaeum it Aklan Police Provincial Office (APPO) ro naeakip sa patigayunon nga re-assignment nga ginmandu it Police Regional Office 6.
Raya hay nagakahueugan nga pagabuslan eon ro nasambit nga mga station commander ag paga-usuyan it magabaylo kanda.
Apektado sa nasambit nga re- assignment ang mga hepe it Altavas Municipal Police Station, New Washington MPS, Balete MPS, Numancia MPS, Tangalan ag Madalag MPS.
Nakataeana nga igapatawag sa Lunes nga adlaw sa Police Regional Office 6 ro tanan nga 46 nga naeakip sa Re- Assignment sa bilog nga Western Visayas.
Dugang pa nga sa makaron hay owa pa nasayuran kon sin- o ro mabueos sa iga- relieve nga mga hepe ag kon siin ro andang bag-o nga mga assignment.
Nauna eon nga ginklaru ni PRO 6 spokesperson Maj. Lailyn Sencil sa Bombo Radyo Kalibo nga owa it mangin epekto sa serbisyo it natungdan nga mga istasyon ro re-assignment ag normal eamang raya nga nagakatabu sa linya it kapulisan.
Ro mga hepe sa Aklan nga kaibahan sa re-assignment hay sanday PCPT Gelbert Batiles it Altavas MPS, New Washington MPS chief PCP Moonyen M. De Joseph, Balete MPS chief PCPT Condrado Espino,Jr., Numancia MPS CHIEF PCPT Maricel Guivarra, Tangalan MPS Chief PCPT Noel Parreño ag Madalag MPS Chief PCPT Jayson Mausig.
