Nagpangamuyo si Pope Leo XIV sa anang semanal nga Angelus kahapon, Pebrero 8, para sa mga apektado it pagpang-atake sa Nigeria ko kan-o eamang ag ro mga biktima it maeapnagon nga pagbaha ag landslides sa Europa ag North Africa.
Ginpaabot it Santo Papa ro anang kasubo sa makamaeatay nga pag-atake sa Nigeria nga pumatay it indi maganaba sa 200 nga katawo.
Naghinyo imaw it proteksyon para sa tanan nga pumueuyo ag naghaead it anang mga pangamuyo para sa mga biktima.
Ginpangamuyuan man nana ro mga komunidad sa Portugal, Morocco, Espanya, ag Italya nga nahalitan it maeapnagon nga baha ag pagtiphag it eugta.
Maabu nga mga residente ro napilitan nga magbakwit halin sa andang mga baeay bangud sa pagtaas it tubi ag kahalitan tuga it kalamidad.
Ginpamilit ni Pope Leo nga kinahangean makaron it paghidait, kaeuoy, ag bulig para sa mga naga-eksperyensiya it kalakasan ag kalamidad sa bilog nga kalibutan.
