Gin-adopt it Senado ro Senate Resolution No.256, nga nagatuyo nga kontrahon ro mga kritisismo nga ginhimo it pilang mga opisyal it Chinese Embassy kontra sa mga opisyal it gobyerno nga nagadepensa sa kinamatarung it nasyon sa West Philippine Sea.
Sa plenaryo it Senado, adlaw it Lunes, Pebrero 9, owa it nagkontra sa minorya kat ginduso ro resolusyon para sa pag-adopt pagkatapos nga gin-eakip ro mga pag-amyenda ni Senate Minority Leader Alan Peter Cayetano.
Sa idaeum it resolusyon, ginbatikos nanda ro pahayag it sangka opisyal it Chinese Embassy nga naggamit it lenggwahe nga direkta nga nagpuntirya sa mga senador.
Raya hay sangka pag-eabag sa mga prinsipyo it mutual respect ag non-interference nga sandig sa United Nations Charter ag sa Vienna Convention on Diplomatic Relations.
