KALIBO, Aklan—Ginpasidunggan it Department of the Interior and Local Government ukon DILG ro 78 Local Government Units (LGU) sa Rehiyon VI ukon Western Visayas matapos maangkon ro “High Functional” rating sa 2025 Anti-Drug Abuse Council (ADAC) Performance Audit.
Sa probinsya it Aklan, nakasueod ro mga banwa it Balete, Banga, Batan, Buruanga, Kalibo, Lezo, Libacao, Malay, Malinao, New Washington ag Tangalan.
Nagasaeaming sigon ro nasambit nga pagkilaea sa malig-on nga pagdumaea it mga lokal nga opisyal, maagap nga mga estratehiya sa pagdumaea, ag tayuyon nga pagpatuman it mga programa kontra sa ilegal nga droga, kaibahan ro prevention, rehabilitation, ag pagpabaskog it partisipasyon it komunidad.
Ginpunto nga ro kolektibong pagtinguha it mga LGU hay nagbunga it mapinuslanon nga progreso sa kampanya kontra ilegal nga droga sa rehiyon.
Nagaserbi man sigon raya nga basehan it kamayad sa lokal nga pagpamuno.
Padayon man nga ginaengganyo ro mga lokal nga gobyerno nga pabaskugon pa ro andang mga inisyatiba agud maiduso ro mas eowas, mas malusog, ag drug-free nga mga komunidad sa Western Visayas.
