Igapa-auction it National Food Authority (NFA) ro 750,000 nga sako it bugas nga nakatago sa andang bodega sa Valenzuela City.
Suno kay NFA Administrator Larry Lacson, tuyo it nasambit nga pagbaligya nga mabuhinan ro imbentaryo sa bodega antes mag-ani sa buean it Marso, kun sa siin uman nga magapamakae it bugas ro ahensya halin sa mga lokal nga mangunguma.
Ginpahayag it ahensya nga ro presyo it ginapa-auction nga bugas hay magahalin sa P22.52 hasta sa P25.16 kada kilo, depende sa kabuhay it pag-store kara sa warehouse.
Ginpasalig man it NFA nga safe kaunon ro bugas nga andang ginabaligya.
Samtang, ro mga retailer, dealer, ag wholesaler eang ro pwedeng magpasakop sa auction.
Apang, mahimo man makabenepisyo ro mga bumaeakae kon ro mga negosyante magpanaba it presyo kara sa merkado.
