Nagatibyog ro National Union of Students of the Philippines sa panawagan nga ibalik ro nakaangdan ag nakasanayan nga holiday sa nasyon ro kada dag-on nga pagdumdom it 1986 EDSA People Power Revolution kada Pebrero 25.
Suno kay Matthew Gonzaga, NUSP Panay regional coordinator, nagmarka it makasaysayan nga hitabo ro EDSA People Power kon sa siin kinahang-ean nga dumdumdom ag kilaeahon ro kontribusyon it tanan nga nagpanguna sa mabahoe nga rebolusyon nga nagresulta sa pagablik it demokrasya sa nasyon.
Dugang pa ni Gonzaga nga kinahang-ean nga masayuran it mga pamatan-on ro importansya it makabig nga historic event bangud sa naging matawhay ag bukon it bayolente ro rebolusyon nga ginpatigayon sa Epifanio delos Santos Avenue ukon EDSA nga tumuldok sa diktaturyang rehimeng Marcos Sr.
Nasayuran nga sangka House Bill (HB) No. 7911 ro gindihon ni Akbayan Partylist Rep. Chel Diokno kon sa siin tuyo kara nga ro Pebrero 25 ukon EDSA People Power Day hay paga-obserbahon kada dag-on bilang regular nga holiday agud nga inde makaangkon it kalituhan ro publiko.
