Mataas nga Iron ag Manganese sa pumping station ro naging rason it pagka-angkon it mahigko nga suplay it tubi sa banwa it New Washington.
Raya ro ginpahayag it Metro Kalibo Water District (MKWD) sa andang ginpatigayon nga press conference kahapon nga adlaw it Huwebes, Marso 5.
Raya hay kasunod it mga reklamo it mga pumueuyo sa nasambit nga banwa kun sa siin nakakaekperyensya sanda it mahigko nga suplay tubi nga naga-guwa sa andang gripo.
Suno kay Lydio Ureta, General Manager it nasambit nga taeatapan, base sa andang pag-usisa, mataas nga konsentrasyon it iron ag manganese nga naga-halin sa deepwell it Pumping Station sa Tigayon ro nagapangunang rason it paghigko it tubi.
Sa pihak nga pasado ro resulta it manganese ag mataas ro iron, ro accumulation it mga nasambitan nga minerals sa tubo ro nagiging problema eabi eon kun may interconnection ukon iba pang aktibidad.
Sa pilang mga inadlaw, magapatigayon sigon sanda it comprehensive flushing para nga mabuhinan ro eantong nga naga-daloy sa mga tubo it mga apektado.
Nagpangayo man si Ureta it pag-intindi sa mga pumeuyo bangud nga malisod mapalimpyo ru tubi kun ro nabue-an it suplay hay ro ground water.
