Eubusang naapektuhan ro purchasing power it publiko sa nagapadayon nga tensyon sa tunga it Estados Unidos, Israel ag Iran.
Suno kay Professor Anna Malindog-Uy, sangka geopolitical analyst sa nasyon, raya ro nagapangunang epekto it kinagamo sa Middle East kon sa siin uwa eon it ikasarang ro pumueoyo nga sustentuhan ro andang pang-adlaw-adlaw nga kinahang-eanon.
Raya hay kasunod it pagtaas it presyo it produktong petrolyo nga may domino effect sa mga nagapangunang baeak-eon sa merkado.
Ro presyo it langis suno kana hay nagatinaas apang ro sweldo it mga trabahante hay uwa man nagataas rason nga ro andang purchasing power hay nagaisot ag inde eon mabakae it mga raya ro andang iba pang kinahang-eanon mag-eowas eon lang sa pagkaon apang bukon eon it bastante para sa bilog nga pamilya.
Ro tensyon sa Middle East hay mabahoe nga impact sa ekonomiya it nasyon eabi eon kon magpadayon raya ag uwa eon it maboe-an it supply it langis ro nasyon.
Mas dapat nga pahauman it gobyerno ro mas malala pang impact kon inde matapna eagi ro kinagamo sa tunga it Estados Unidos, Israel ag Iran bangud nga ro Pilipinas hay nagasalig sa import products partikular ro langis nga importante sa tanan nga bagay ag sa paghueag it industriya sa nasyon.
