Naglunsar ro gobyerno probinsyal it Aklan it libreng serbisyong pangkomunikasyon para sa mga pamilya it Overseas Filipino Workers (OFWs) nga idto sa Middle East.
Sa pinaagi it Office of the Provincial Public Employment Service Manager (OPPESM), kabulig ro Department of Information and Communications Technology (DICT)–Aklan, posibleng makipag-angot ro mga pamilya sa andang mga pinalangga sa kabuhi nga uwa it bayad.
Ginapatigayon ro serbisyo sa DICT Tech4ED Center sa Kalibo, halin Lunes hasta Biyernes, alas-8:00 it agahon hasta it alas-5:00 it hapon kon sa siin may mga nakataeana nga miyembro nga magabulig sa mga gustong makipag-angot sa andang himata sa ibang nasyon.
Suno sa mga opisyal, tuyo it programa nga mabuligan ro mga pamilya nga makabuoe eagi it balita halin sa andang mga himata sa tunga it mga nagakatabong hitabo sa Middle East.
Padayon man ro pakikipag-angot it OPPESM sa Department of Migrant Workers ag Overseas Workers Welfare Administration (OWWA) agud masiguro ro kaeowasan it mga OFW halin sa Aklan.
