-- ADVERTISEMENT --
Nagakabaeaka ro sektor it agrikultura nga posibleng maapektuhan ro agrikultura bangud sa nagalala nga tensyon sa Middle East eabi eon ag ginaeauman ro pagtaas it presyo it gasolina bangud sa padayon nga giyera.
Ginpahayag ni Argel Joseph Cabatbat, chairman it Magsasaka Partylist nga sa pihak nga maeayo ro Pilipinas sa giyera sa Middle East, posible sigon nga magsaka sa P90 pesos ro presyo it langis engkasong magpadayon ro tensyon sa Middle East.
Nagapangunang maapektuhan kara hay ro mga mangunguma nga nagagamit it makinarya sa pagpanguma eabi eon makaron nga harvest season.
Eubus sanda nga nagakabaeaka nga mas kapin pang magasangkiri ro kita it mga mangunguma bangud sa gastos it andang pagpanguma.
