Ginpahayag it Revolutionary Guard Corps (IRGC) it Iran nga pagataw-an nanda it “complete freedom and authority” ro mga nasyon sa Arab ag Europe sa Strait of Hormuz kon mapalayas ro ambassador it Israel ag U.S.
Ginhimo it IRGC ro pahayag kasunod it ginhambae ni U.S. President Donald Trump nga ro giyera sa Gulf region hay maeapit eon lang matapos bunga it mga demonstrasyon sa pag-taeana sa bag-ong Supreme Leader it Iran nga si Mojtaba Khamenei.
Suno sa IRGC, uwa nanda ginapasugtan ro pag-export it langis halin sa rehiyon kon magpadayon ro mga military action it Estados Unidos ag Israel.
Suno pa sa IRGC nga sanda ro magdesisyon sa pagtapos it gyera sa West Asia ag bukon it ro Amerika.
Ro strait of Hormuz hay ginakabig nga sambilog sa pinakaimportanteng ruta it pag-export it langis sa kalibutan nga nagaangot sa nagapangunang Gulf oil producers paadto sa Gulf of Oman ag Arabian Sea.
