Nagpaandam ro mga eksperto nga magataas ro lebel it poverty ag hunger sa Pilipinas kon magabuhay pa ro geopolitical tension sa Middle East nga gin-umpisahan it Estados Unidos ag Israel kontra sa Iran.
Suno kay geopolitical analyst Professor Anna Malindug-Uy, bukon it hangae ro economic crisis nga ginapangatubang makaron it gobyerno bangud sa pagtimbook it presyo it langis sa pangkalibutanong merkado kon sa siin nakaangkon eon raya it domino effect sa mga nagapangunang baeak-eon.
Expected eon suno kana nga kasunod kara hay magataas ro krimen kaparehas it panakawan, hold-up, pang-scams ag maabong iba pa para mabuhinan ro kagutuman.
Ginapanan-aw it eksperto nga sa mga masunod nga binuean hay base inde eon masarangan it ulitimong pumueoyo nga mapun-an ro andang kinahang-eanon ukon mabakae ro nagapangunang pagkaon para sa andang pamilya.
Raya hay matapos nga uwa it senyales nga magataas ro panwelduhan sa mga minimum wage earners sa pihak nga nagtaas eon ro pamasahe ag mga baeak-eon.
Makaalarma eon suno kana ro presenteng sitwasyon sa nasyon bangud nga maskin sanda sa middle class hay nabatyagan eon nanda ro krisis nga ginapangatubang bangud sa nagtuhaw nga gyera sa Middle East.
